اعظم خطا - سلطان عتيق الحربي

انا الذي يذكر بوقت المصيبه
ويموت ذكره بالفرح والتباشير

وانا الذي لازاد ظيمه حبيبه
وانا العدو وقت السعه دوم للخير

وانا انا وقت الطلب ينغزيبه
وانا انا وقت الرخا لتعازير

مذكور للحاجه وقولة قريبه
واسقط سهو والعذر من غير تبرير

اعظم خطا ماشفت منهو يعيبه
واهون من الزله صداها معاصير

عالم غريب وكل بقعا غريبه
ولا .. ! من يحط ، الخطا سوء تقدير ؟

شاهدت مالايعقل .. او ينحكيبه
اعجاز وصف .. واستحالة تعابير

اسرار غيب وحكمة اللي تغيبه
عند الله العالم بغيب المقادير

واللي تنبأ .. مادرى وش نصيبه
لو تصدق الاحداث بالفعل وتصير

© 2022 - موقع الشعر