جروح التناقض - سلطان عتيق الحربي

ياسعود قلبي شكى لوعات وامرار
قصة غرامي تردد كان ماوحيتها

واضح واصرّح على وضح النقا باجهار
واقول واعلن من الاسرار ماخفيتها

واخط باسمي وبصماتي على اقرار
واقول يكفي من الاسرار مابديتها

انا الذي بالهوى ماخنت معيار
كل القوانين حسب العرف ماخطيتها

واعطيت للصبر مايكفي للاعذار
ومن بعد زل الوعد من قلبي الغيتها

قصة جروح التناقض ليلها كالنهار
صبرت واثر الجروح بصبري ادميتها

مليت كل الغموض ولامبرر للاسرار
مليت وضع التناقض لين مليتها

ملا حترم منطقك بالعقل والافكار
مافيه مايشفع لذكراه لبقيتها

© 2022 - موقع الشعر