سلام ياحور العيون وهدبها - سلطان عتيق الحربي

سلام ياحور العيون وهدبها
سحر النواعس بالمشاعر لها جنون

الفتنه اللي مانقاوم عتبها
لو ذنبها يخرج من المله يهون

ماقوى عتبها يوم يصبح طربها
تعزير منهو في هواها ومرهون

اشوف فيها جنتي مع لهبها
ادري جهنم لكن القلب مفتون

ياما تحملنا العنا مع تعبها
نسري ليال الشوق والشوق مجنون

فيها من انياب المنايا سببها
ولاهاب قلب اللي من الحور مطعون

لشوق لو يحسب لها ماحسبها
ترخص لها روحه ودنياه والكون

هي لجلها عمره وروحه وهبها
حور العيون اللي لها عاش مديون

جتها المعاني من خفوقٍ خطبها
وياما تغزل دون مالناس يدرون

قصده نزيه وللمروه عربها
شيمه وقيمه وابلغ الشوق مكنون

مهما تجاوز ماتجاوز نسبها
يحسب حساب ابليس وابليس ملعون

وش عاد لو فرحة سنينه سلبها
تفداه لكن العوض لازم يكون

راع العيون اللي وفينا طلبها
واليا تعذر ماشقا الحال وشلون

قبل الوصال نعيش فرقا غضبها
امجربين الهم والحال مغبون

© 2024 - موقع الشعر