(( بين ضلوعنا ))

مسّيك بالخير ( اهجدي ) ...يا دمعة وخِلّك معاك
أرجوك لا تستكثري جرحٍ ....صداه يطولنا

بعض الجروح المزمنة لا عاشت .. تخاف الهلاك
ما همني شيٍّ ........سواك انت وأنا وحمولنا

بعض الخرافة من وهم والبعض ما يعشق سواك!
اصرخ .. تمادى لومني ... منهو معاك يشوفنا ؟

ارفض وهاجر غرفةٍ ضمّتك ....عوّد وبرضاك
إنتَ حبيبي غصب عنك .......لو كسرت قلوبنا

مسموح يا كل الغلا .. تمشي وأنا أسمع خطاك
تمشي بعيد وتنتهي ........سلطان بين ضلوعنا

لا صارت بيوتك عيون .....إياك تتحدى غلاك
ما للغلا يا موطن الإحساس .......غير عيوننا

ودّك تكسّر كل شي؟ ....إكسر ترى كله فداك
هاك العطور وآنيات الحبّ ......هاك عزومنا

ما ينكسر غير الزجاج .....اللي معرّض للهلاك
أما حبيبك مثل ما هالماء .....يغيظ سيوفنا

إنت حلو .. زيد الغضب ...من الغضب زيّن حلاك
والله ما بيدي سوى ...هالموت في مجمولنا !

للغيض ميلاد وليالْ ......تعانق وتروي ضماك
هات الغضب ما همّني ...دام برضاك علومنا

إنت حلو .. في كلّ حالاتك ....وراك أنا وراك
أوفيك وأفديك وآحبك ...لو صنعت حروبنا

جايز يعلمك الزمان .. إني ... ولو تزعل معاك
وان الخرافة في الهوى .. انت وانا وحمولنا!