رمز الملوك

لـ سعد الفويهي، ، في غير مُحدد، آخر تحديث

رمز الملوك - سعد الفويهي

ياملك يارمز شامخ رمز خالد للأبد
ياملك رمز الملوك الشامخه عبر العهود

والله انه في زمنا مثلك انت مانولد
لا والا والله فيه انسان مثلك بالوجود

والله ان اللي تجمع فيك ماتجمع في جسد
الله اللي ميزك في كل شي فيك زود

وش اخلي من خصالك وش اقول وش اعد
ماورثت الا الخصال الطيبه من الجدود

التواضع فيك عزة والتسامح بك بعد
هيبتك في كلمتك الاقلت توفي بالوعود

يشهد الله وكل من هو لك بالدنيا شهد
انك اطيب من عرفت وانك اكرم من يجود

ياملك في طيبته مالها بالطيب حد
والله انك لو توزعها على العالم تزود

مايهمك دايم بالخير سباق العدد
ومايهمك حكي جاهل اوبعد حتى حقود

يبرق الخير بجبينك ويزلزلة صوت الرعد
من سحابة خيرك اللي خيرها تعدى الحدود

لامشيت الارض ينبت في ثراها لك ورد
والارض مسك ترابها يفوح منها ريح عود

لوجمعت الحب لك من كل ارض من البلد
كان مات من القهر كل عاذل او حسود

ياملك في حب شعبة والله انه انحسد
دايم حسادك اللي هم عميل لليهود

كيف علمت المحبه لطفل توه بالمهد
وكيف قلبك كيف قلي يهدي الباقة ورود

العلوم الثابته مايثبتها وتد
والحقيقه واضحه ماتبي اثبات وشهود

كل حاكم مايخاف الله ظالم مستبد
وانت من خوفك من الله بكل شي له تعود

من كتاب الله وشرعة تستمد
دينك الأسلام وتحكم بالحدود

يوم حكمك ساد عدلك وازدهر فيك البلد
للعلم تبني مباني وللوطن تبذل جهود

في ثرى مكه وطيبة بكل صرح لك عمد
وفي تطور مملكتنا كم ابرمت العقود

يدعي الله كل من هو في بيوت الله سجد
ان ربي يوفقك في دعوته عند السجود

حنا والله كلنا لك يابو متعب لك سند
حنا والله بالشدايد يابو متعب لك جنود

© 2024 - موقع الشعر