ثلاث سنين - سلطان عتيق الحربي

الحب يلغي كل ظرف ومحالي
مايعترف باعذار عاشق ومعشوق

دامك على الاعذار اول وتالي
هذا ابلغ حدودك من الحب والشوق

ماقول خاين يوم طيبك وفالي
اقول ماتعرف وش الحب ياذوق

ولاتحكم بوضع الظروف الوصالي
هذي ثلاث سنين والقلب محروق

عانيتها والعالم الله بحالي
والشوق ياخذني على كل طاروق

عشت العمر حالم وهايم وخالي
وعشت بحياتي فقد مامر مخلوق

عشت اتمنى حضن غالي لغالي
حضن الغرام اللي سبا كل معلوق

عشت اتمنى واتمنى الحلالي
لكن معاك الذنب له جوٍ يشوق

اغريتني بالوصل لكن خيالي
واناحسبك واقع واثر مالك عروق

ليه العتب وانته صعيب المنالي
ليه العتب واللوم ياحب مسروق

عشمتني واشغلت فكري وبالي
عليك كل اللوم بالطاق مطبوق

© 2024 - موقع الشعر