يامشغلٍ بالي مضى العمر وش عاد
هو فيه شياً غير عذراً تعيده
اما تحط لموعد الوصل ميعاد
ولا تقول انسى و فرصه سعيده
غديت انا وياك يا هيه في جهاد
احاول اقرب بس ذاتك عنيده
مديت لك وصل الغلا يا غلا جاد
وما شفت في ردك بوادر اكيده
لا قلت لي هون ولا قلت لي ناد
مدري وش اللي يا حياتي تريده
الحب ما يصلح معه كبر وعناد
يامعذب الشاعر و متعب قصيده
دايم على بالي و طاريك ينعاد
حبك تمكن في الخفوق و ريده
ابك انت فيك القلب متولع و زاد
صارحك قلبي مير قلبك حديده
لا همك احوالي ولا انته بنشاد
دافع البلاء وش هالشعور البليده
صبرت مير الصبر مجدى ولا فاد
ولا عاد بعد اليوم فرصه جديده
اما تحط لموعد الوصل ميعاد
ولا تقول انسى و فرصه سعيده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر