والله اني كل مـازادت الدعوا إحـتـدام

والله اني كل مازادت الدعوا إحتدام
قامت عزومي على صدها تزداد زود

إرتكي وإثبت لها ما ضريت الإنزهام
ورثتي من شايبِ ورثوها اله الجدود

وقفت ماهيب وقفت طريين العظام
وقفت إسدٍ ترتهب من ملاقها الاسود

في نهار بين خيالته تحت العسام
للهنادي جلجه والمشوك له رعود

كم صبي طاح بإيمانهم ما عاد قام
يوم جاء في دربهم غيبوه عن الوجود

النبات من البذيره ولافيها كلام
وكل واحد لأصل جدانه الأول يعود

الولد وش يفرقه عن حساب أم اللثام
كان ماهو في المواقيف مقدام وصمود

اتركه لا صار مهوب كفوٍ للصدام
اتركه ما انته على بارد الخد محدود

واترك الي مايحفظ الكرامه والمقام
واحدن ماغير في راي غضات النهود

مايجنب ميت النار عن راي المدام
وان بغيت الفود لا والله الي ماش فود

ما تشقوا بالمعالي وعداي السنام
غير غشموم عليه النفايل ماتكود

المراجل ماتجي بالتمني والحلام
ولو تجي كان إستفادو من النوم الرقود

الشاعر / يوسف بن موطان العضياني