النا من الافعال ما يطرب العين

لـ يوسف بن محسن العضياني، ، في غير مُحدد، آخر تحديث

النا من الافعال ما يطرب العين - يوسف بن محسن العضياني

النا من الأفعال مايطرب العين
ويقصر مجال الهرج هزله وجده
من فعلنا نثني خلاف المتلين
ليا جاء نهارن يوصل السيف حده
أمجادنا فيها ثبوت وبراهين
ليا قام كلن فعل جده يعده
منّا بتباع(ن) على الهون ناشين
واكبر خصم حنا كعامه ونده
حنا على العدوان والخصم عسرين
وأطلق شنب ناطا رقبته وخده
ولا نستمد الشور من رأس مسكين
قرارنا من روسنا نستمده
ياما خدينا جل ذودن ملاوين
علمن وكاد وكل حيّن يعده
نياق ابن بتلاء وذود الشعافين
جينا بها من مطلقين الأحده
وغلام من بين الرماه المتاقين
جبناه عقب أفخت ظهور الآشده
وطلق ولد هملان بين المثارين
تعتقه حمدي وخصمه يصده
و لنا عطايا قدّرت بالملايين
يشبع بها اللي ما إشبعه ورث جده
وعلى الرداء والشين منّا بعجلين
واللي تعداء نوقفه عند حده
نشيم الجهال لأجل الحشيمين
اللي لهم قدر ووقار وموده
يابوك ماحنا بخطو المساكين
زهاد الرجال أهل العلوم المسده
ورثن لأهلنا من قديمن وذا الحين
يوم كلن حافضن ورث جده
سلايل الشايب سعوط المجانين
عز الرفيق ولطم خصمه وضده
 
الشاعر / محسن محمد العضياني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر