يالنير قد خلوك شيباننا العام

يالنير قد خلوك شيباننا العام
لكن ردتنا عليك الحميّا

والله لو تصبح براكين وألغام
حرام ما نتركّ توخذ كذيّا

عاداتنا من قبل تاديب الأخصام
لين العقاب يصير منهم حديّا

خصيمنا يخذل ويوطا بالأقدام
وفي دوسته ما عندنا له رويّا

ورفيقنا يحشم ولاهوب ينظام
فزعة علن ماهيب فزعة خفيّا

ليا دخلنا ديرةٍ عجها قام
يدرابنا ماهيب جيّة كنيّا

رجّالنا يشفي الضماير ليا قام
بالصطوه الي مثل سيف المحيّا

منّا صليب الراس يبصم بالإبهام
وعقب الطغا يطلب طريق الكفيّا

والي يغرنّه ظنونه والأوهام
حنّا على شرواه مثل الثريّا

أخير له ينسى التمني والأحلام
يركد وفي برد الظلال يتفيّا

الشاعر/يوسف بن موطان العضياني