إلـتقينا .. - ماجد الحجري

إلتقينا .. بعدما مرت سنين،
إلتقينا و كل منّا .. إختلَف..

إلتقينا وكان هالموقف حزين،
وقتها عرق المكابر بي تلَف..

إلتقينا .. و كلنا متغيرين،
حالنا ماهو مثل وقتن سلَف..

يائسين وضايقين وشاحبين،
وانرسم من فوق خدينا كلَف..

من كثير الهم صرنا ناحلين،
و كل منّا مع متاهاته وَلَف..

ليت حاله قبل ما شفته يزين،
ع الاقل أشوف للغيبه خلَف..

يوم شفته ما تمالكت الحنين،
واجتمعته جَمعة اوراق الملَف..

ضايعين اشهد بإنّا ضايعين،
لين شفنا هالتعب فينا يِلَف..

حبنا لو غاب محفوظن دفين،
حالفن له مثل ماهو لي حلَف..

و ليتنا مع بادي الفرقا نلين،
كان قلبي لهالمفارق ما ألَف..

و نغتنم فرحة غرام الملتقين،
لأن فرحتهم بهالدنيا سلَف..

و آآخ ليته ما يفرَّق عاشقين،
لن والله عيشت الفرقا صَلَف..

© 2024 - موقع الشعر