ياللي تبا قدم العرب تاخذ الكاس
عليك باللي في التحدي ينومسك
مثل الفحل رمحان زينه على ساس
وقت التافس منه يتعب منافسك
راعيه يكسب به مع القوم نوماس
ماهوب يوم العرض عرضه يعومسك
لا طب في الميدان ثم صاحو الناس
لحظات تجديع العمايم يحمسك
الفوز له محتوم في كل مرواس
يا منافسه هوّن وريح هواجسك
واحذر تهوجس يالشريطي بهوجاس
ما هوب حولك لو تجمع دسايسك
لو يازنونه بالذهب وزن والماس
ماهيب قيمة صورته داخل الدسك
هذا الفحل رمحان معدوم الاجناس
يحميك يا راعيه ربي ويحرسك
مبروك يا سلالة هل الجوخ والطاس
الفوز عاداتك وناتج تمرّسك
شرواك يا بندر كفو يرفع الراس
حيث انت نوماسٍ لربعك وخامسك
تعيش ياللي في المهمات نبراس
ويعيش منهو للمواقف مسيّسك
ومبروك فوزك ياابيض الوجه بالكاس
والسيف في يمناك وختامها مسك
الشاعر/ يوسف بن موطان العضياني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.