الا ياهل الغرام الحب بلوى والظروف أقوى
مادام أني أبتليت بواحدن ماتسمح ظروفه
وأنا مافي يديني شي مهما قال أو سوى
مادام القلب بيدينه أنا لايمكن أعوفه
ومهما غاب عن عيني على فرقاه مانقوى
ومهما زادت ظروفه فلابد أني أشوفه
وأنا مابين ذيك وذيك كني صايب بعدوى
عن العالم أعيش بعزله وتاتيني اطيوفه
مغير الهم والتفكير والهوجاس والبلوى
وشعرن لاكتبته فيه جتني من الغلا حروفه
لانه هو دواي وداي والافراح والسلوى
وعليه القلب يشتاق وعليه النفس ملهوفه
وأذا عني ظروفه حدته بعيش في خلوى
وعسى الله مايورينا الزمان الشين وصدوفه
أبعيش برجاء لو أنها ماتنفع الرجوى
وبصبر والفرج من بعد صبري لمسه كفوفه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين