المشكله ماهي بمرسي وبشار.

لـ محمد البياضي، ، في غير مُحدد، آخر تحديث

المشكله ماهي بمرسي وبشار. - محمد البياضي

المشكله ماهي بمرسي وبشار
المشكله في حاملين الرساله

يروح بشار الاسدروحت قطار
وانشال مرسي وحل سيسي بداله

ما شفت شي تغير ولا بعد صار
شي ٍ يقول الخير مقبل خِياله

شعوب مضهوده وبهم شبت النار
كلاً قبس في جلد عمه وخاله

اطفال تذبح والنساء اصواتهن عار
هذي قيمنا من زمان الجهاله

الصوت من عبر القنوات فالدار
مسموع لكن مااحد معطيه باله

يصيحن وينخن شريفين واحرار
واللي يدوس اعراضهن حثاله

وشلون تغصب حره وتجلب العار
واطلق شنب يصفق يمينه شماله

هو به خلل والافسد دمه الحار
والا مع الايام بانت خماله

صابه برود يشوف بالعين ما يغار
عادي يجيب اغراضه من البقاله

الوضع محرج يا بعيدين الانظار
يا ليته اصبح ميلة ٍ واعتداله

لكن ماله غير سيف ٍ وبتار
الليّ يرد لكل راعي حلاله

بعد الله الليّ للخطيات غفار
الواحد المعبود جلاجلاله

© 2024 - موقع الشعر