مرثية الأمير نايف

لااله الا الله المعبود واليه المئال
ربنا سبحانه اللي ماله كفؤ احد

عزنا في دين سلم ودين حق واعتدال
الثناء والشكر له في ضيق ولافي رغد

نسأله يجبر عزانا فالفقيد من الرجال
ناصر السنه وبعد الله حامي للبلد

بلسم يشفي القلوب وللعدا داء عضال
سقم من حاول يدارالملحدين ومن فسد

ملجم افواه الطغاة ومن حمل فكر الظلال
الرعاع اهل المكايد والخيانه والحسد

ياخفافيش تخفت مالكم عنده مجال
ياعميل وسط جحرك مت واعياك الجهد

مرتكي للحمل نايف راسي مثل الجبال
في محياه الامان وفي محياه السعد

يابلادي مايموت وحي فينا لايزال
لوفقدنا العود يبقى الشعب نايف للابد

ربنا ياواسع الرحمة عليك الاتكال
تسكنه بأعلى الجنان ومعه سلطان وفهد