الــنـوم والأحـلام!

توني صحيت امن المنام وتذكرت
اني حلمتك / ثم تحسفت / ثم نمت

لو الحياه ارقاد / ماعشت / واخسرت
ولو الغرام ايدوم / ماعشت ثم مت

لكن شفني في غيابك .. تحسرت
وزادت جروحي .. ما شكيت وتكلمت !

ياكثر ماني في ../ فراقك .. تصبرت
والدمع كاشفني .. / وانا ماسك الصمت

لاجيت عندك .. لا شعوري تعثرت !
ابي رضاك .. الليا تبسمت لي .. قمت !

لو كان بعدك .. كسر ساقي / تجبرت
يامترف ٍ فيني .. / شكيت وتظلمت ؟!

عطيتك احلا حب ../ وانتا ما قصرت
ولامن سألتك ؟ .. ليه ؟ تجرح !.. تلعثمت !؟

كنك على قولة : أحبك .. تكبرت
خلاص ودعني .. / وعقبك تعلمت

أن الحياه ادروس .. / وأني تضررت
وبعد الظلام !.. / وبعد ليلٍ .. / تبسمت !

وصحيت من نومي بعد .. / ماتذكرت
اثر المنام احلام / .. وإن تحلمت !؟