يامرحبا والسايس اللي لانصيته ماخلي
عنده لعسرات المعاني هاجس اللي مايصوم
حييت يلي تزهم السلطان وعلومك تلي
يفرحبها لاصار من شرواك لايمكن يشوم
معشوقتك معشوقتي عديتها اليومه هلي
ارويتها عذب الزلال وقامت اليومه تعوم
يالحارثي عالجرح قافك يوم جرحي مابلي
يامرحبا بك يالطبيب اللي من الناس معدوم
شوف الحقيقه يابن حارث عشقكم مايمحلي
دام الجزاله منهله والعز في سوقه تسوم
يا خوة المعشوق للعاشق ولو تقلى قلي
عندي ولاخوة دنافيس(ن)من الناس الرخوم
انا اشهد انك قلت واجزلت البيان المعتلي
تبقى ويبقى في سما الشعار شعرك بالوسوم
لا لا تخلى دامك انته في هواها مبتلي
ياطيبها من بلوة(ن)تخرج لنا طيب العلوم
شرقية(ن)ماغربت وان غربت تنصاع إلي
لاصرت انا حاكم مفوض يارزيق اليوم يوم
يوم(ن)شكيت الحال حالك واضحه ماتنطلي
بصدّر المرسوم رسمي واترك اللي لك يلوم
يالحارثي فيض المشاعر من ضميرك يصهلي
يحيي اللي بالشعر قد مات والجاهل ينوم
عسا بصوتي يسمع اللي لو سمعني يزعلي
لا مايهم الصقر طير ولا يهم الصقر بوم
يلي براس النايف العالي علا ماينزلي
تعجز اللي لانوى المطلاع لو انه يهوم
واختم كلامي بالوفا للغالي اللي يسألي
الله يجمل بالجواب وبالكلام وبالختوم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.