قالت احبك ..!!

قالت احبك دانتي واشرق الكون
قالت احبك يابعد روح روحي

قالت احبك والعمر لجلك يهون
قالت احبك رغم كل النصوحي

حبي معك معروف تاليه وشلون
حبي معك هم وعذاب وجروحي

يامشغلٍ فكري وانا فيه مفتون
حبك تملكني وشيد صروحي

حبٍ سرق عقلي وخلاه مرهون
مرهون انا كلي وقلبي ينوحي

اخفيت انا حبي ولابي يعرفون
اخاف من شوفك يطول نزوحي

لبيه ياعمري ولبيه مليون
لبيه يا نبضة خفوقٍ شفوحي

ياليت لاهل الحب سنه وقانون
يوخذ بها المحبوب والناس توحي

محروم من لمسك وشوفتك بعيون
محروم من حضنٍ وصدري يفوحي

وش حيلتي والحض قاصر بنا دون
شوفة حبيب القلب حلو المزوحي