عقد الالماس

لـ سلطان عتيق الحربي، ، في غير مُحدد، آخر تحديث

عقد الالماس - سلطان عتيق الحربي

ياليل غايب حبيبي
ماهي بعاده يغيبي

هذا هواي وطيبي
يكفيني عن باقي الناس

فقدت شوفة هوايه
حبيبي غاية منايه

ياليت ماهي وشايه
وياليت مابه ولا باس

انا اشهد انه غرامي
في غيبته ما انامي

يسحر بحلو الكلامي
عديم معدوم الاجناس

اصبحت بعده انادي
بعالي الصوت عادي

ياناس وينه ودادي
غايب وانا بي وسواس

وسوست في بعده اليوم
وبدونه النوم معدوم

امشي بلا حس ، مهموم
ومن العقل خالي الراس

الحب عذب حياتي
والشوق يعكس صفاتي

شكلي ولوني وذاتي
هايم من الراس لساس

متى اشوفك بعيني
وعانقك ياضيني

باحضان عشق وحنيني
واطفي هوى شوق الاحساس

انا امني ظنوني
والدمع غرق عيوني

والنار تشعل جنوني
مدري ولادري ومحتاس

مدري تعود واشوفك
يلي تجيني طيوفك

فقدت حتى حروفك
والله مهنى بمجلاس

صبري فقدته في بعدك
تعال لو زل وعدك

باقي ولاخنت عهدك
اصيل ياعقد الالماس

العيد قرب علينا
واحنا ترى ماهتنينا

في البعد والله جنينا
الآم ياعذب الانفاس

واذكّر اللي وعدني
بشفاه يقرب ويدني

انا خفوقي نشدني
مشتاق والشوق دساس

معقول هالوقت غايب
ولا طراله حبايب

والشوق ناره لهايب
تشعل حنينه بالاقواس

خسارة العشق والشوق
فلي بلا حس او ذوق

فيه اهتنى من مشى البوق
واهل الوفا تجني اتعاس

© 2024 - موقع الشعر