يلحق المخطي بتال الوقت تأنيب الضمير
ويتحسف للأمور اللي فعلها هافيه
ويطلب الغفران من رب ٍ على خلقه بصير
ويتمنى لو قلوب الناس ترجع صافيه
بعد ماغثرب مشاربها ووراها السعير
طامع ٍ في ودها لو هي دقايق كافيه
وده أنه لارحل بالخير يطرا فالأخير
بعد سم الوقت حاله واهجرته العافيه
مايبا هالناس بكره تنعته بئس المصير
ولا يبا لبسه سوى ثياب ٍ نظيفه ضافيه
الغناوي لاعطاه الله هدر دم الفقير
وأنكر أحبابه وشبت نار كانت طافيه
ماحمد ربه وفكر قبل لايصبح وزير
كيف كانت حالته يوم السنين الجافيه
يومه يبات الليالي مالقا حبة شعير
ويوم رجله تضرب الخليان وهيه حافيه
يالله أنك تغفر الزلات فاليوم الكبير
ماحد ٍ معصوم عنها يا عليم الخافيه
أنته الكامل ولاحد ٍ من عبادك قيل غير
لو خصاله يا إلهي كل ابوها وافيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.