خلك عندك لانجيك ولاتجينا
التسامح في بعض الاشياء سماجه
ليه ناصل فيك وانت اتبور فينا
صار قربك جرح والفرقاء علاجه
قد عرفنااللي لنا واللي علينا
لك علينا الهجر من عقب المواجه
يوم سوقنا وبعنا وشترينا
كل شاري سلعة يعرف خراجه
المقفي مانبيه ولا يبينا
مالنا في طردت المقفين حاجه
لوتناسينا الخطايا مانسينا
وان وردنا العد مانشرب هماجه
لاتغلى والغلى منه انتهينا
كسرة الخاطر كما كسر الزجاجه
انت لو تبكي علينا مابكينا
والسعد بوجيهنا ينهض حجاجه
مابغيت افرح عليك الشامتينا
لين كلفني عنادك والعواجه
والله ان تدري من المتحسفينا
لعنبو من كدرت بقعاء مزاجه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر