الرينج

لـ تركي السواط، ، بواسطة غادة العلوي، في غير مُحدد

الرينج - تركي السواط

ياليت عمري يستعيد الماضي وروح الصغار
واسترجع ايام الطفوله والشقاوة كلها

ودي اعيد الذكريات اللي مغطيها الغبار
واسهى شوي عن الحياة وقلبي اللي ملها

ايام مافيها غرام ولاهزيمه وانتصار
ماهمنا ياكود نتجمع سوا ونفلها

ايامنا يا زينها رجعت حلاوتها مرار
وصارت عقدنا في الحياة نموت بس نحلها

هذا كلامي ياجماعه امس وانا فالمطار
فالشارقة وابا السعودية ومشتاقلها

والسالفه ماهي تأخر رحله او طول انتظار
السالفه شيا جرالي والمشاعر علها

حاسبت انا الفندق وابا الحق رحلتي والجو حار
ووقفت اشر للتكاسي والطرق مادلها

وفجأه لمحت اللي مهي يمي تصلح فالخمار
في جيب رنج اسود يقدر وجهها ويجلها

ثم طالعتني ببتسامه قلت لله الوقار
وفكرتها اعجاب وبسرعه قدرت اوصلها

لكن راحت واتركتني قلت ياهي احتقار
البسمه اللي كنت افكرها غلا واحتلها

ووقف لي التكسي وقال انا خان ازدهار
هندي واحب اخدمك والبيزات انا مفطنلها

قلت الله يسلمك ابا الحق رحلتي والك القرار
ما على العداد او اطلب وانا كفوا لها

وتحرك السواق وانا قابلا للإنفجار
يانعنبو حظ الفقر وسيوفه اللي سلها

يعني كذا حنا صغار وهي من الناس الكبار
ماتعترف بالشاعر اللي عزته ماذلها

والا عشان الموتر اللي ل احتمى جو النهار
ودك تبرد له زفلتات الطرق وتبلها

طيب عليه بالحرام ووعد حر من الحرار
اني لجيب الرنج واقهرها وازود غلها

بس اصبروا لي ياهل الطالات يطوال العمار
لا صار سعره مثل سعرالكامري مازلها

© 2024 - موقع الشعر