الرد على الدكتور محمد ابن ضبيب - محمد عقيل الذيابي

بأسمك ياربٍ تعلم الجهر والغيب
الهنا اللي نعبدك بأجتهادي

ابدى بذكرك شكر جبت المطاليب
ويسرتها لناصر ونال المرادي

مبروك يالقرم المنزه عن العيب
ابن الرجال اللي تعلى الشدادي

تاريخهم مشهود مايلحقه ريب
بالطيب ولا بالسيوف الهنادي

قحطان قول وفعل ماهيب اكاذيب
ولا كلامٍ بالصحف والروادي

كلام من يسبك حروفه بترتيب
ويحشم قصيده عن دروب النقادي

وحنا الرجال مطوعين الاصاعيب
اهل الرمك من يقدحون الزنادي

ترعى الخطر بأيماننا شمخ النيب
ونضرب على الكايد بليا هوادي

ولاهنت يالدكتور جتني المكاتيب
وكلامك اوسامٍ يسر الفوادي

ورفقة مثيلك يالسنافي مكاسيب
والطيب للطيب سلاح وعتادي

© 2024 - موقع الشعر