سلوها

لـ ، ، في غير مُحدد

تجاوبك العيون بنثر ماها
فلا تسال وش اللي منك جاها !
تحديت البعاد / وماتت اشيا
وغلبني البعد / واهلكني هواها !
صلا قلبي ب نيرانه كأنه
عدو(ن) يبحث لعيني عناها
صحيح الحب / يصفح سيئاته
ولكن طال لجروحي مداها !
تموت العين في رجوى حضوره
ولاتلقى عيوني من وفاها !
وانا اللي كنت له غيم(ن) وسقيا
سلوها كانها تشكي ضماها !
وانا اللي كنت له نورن بدربه
سلوها كانها تشكي عماها !
وانا اللي كنت له ادفع دموعي
ولاشعر بالحزن باحدى حكاها !
يقابلني بجفوه / وابتسم له
واعشق جرحها واعشق قساها
صحيح ان بسمتي من خلف قلبي
وصحيح ان لفها الحزن وكساها
ولكني احاول / ثم احاول !
ابين له فرح قلبي بغلاها !
واثاريه يتلذذ في طعوني !
وهدم بيوت قلبي له بناها !
وهذا اليوم ماتت كل حلوه !
وماتت خطوتي له في ثراها !
ومات احساس قلب ومات حبي
وماتت كل شمعه مع ضياها !
ومات الشعر بغصون المشاعر
وصارت شجرتي قفرن لحاها!
ومات الشوق وماتت كل جمله
تعبر عن مدى الشوق بلقاها !
ومات انسان كان انسان يعشق
وماتت وردةٍ محدٍ سقاها !
ومات النور والمجرم ظلامك
وضاعت عيشتي و اقفى سناها !
وماتت دمعت(ن) في حجر عيني
فلاطاحت ولا الرمشُ خفاها !
واحييت الوجع والسهد فيني !
واحييت المعانات وشقاها !
واحييت الحزن باقصى خفوقي
وصار الحزن لطيوري سماها !
خليلي منكَ جرحي مثلُ عيني
وعيني منكَ تُعطي الغيم ماها !
كأني العيدُ في عين اليتيمِ !
غشاها الحزنُ والالَمُ غشاها !
غلبني البعد ياخلي فمالي
ومال اوجاعي الا انت دواها !
فأما تحيي كل مامات مني ّ!
أو أدفن هالقصيده ذي معاها !

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقتين و 56 ثانية
© 2019 - موقع الشعر - بواسطة شركة المبرمجين