[ حثاريب الايام ]

البير تبقى به حثاريب الايام
وانا نهر جاري ولو حثربوبي !

هرج الخبل .. ان كان وجهي على الشام
وجهت وجهي .. منه لاقصى الجنوبي

مانيب من لغو .. الخبل شخص منضام
انا .. جبل شامخ ولو عذربوبي !

وانا رجل ان قام ياصاحبي قام
وان قام مثلي ..شمسهم للغروبي !

وانا رجل .. ان رام ياصاحبي رام
قربي لمقصد قلبي قربي لثوبي

ضرغامهم .. قدامهم بس ضرغام
ضرغاهم لاجيت .. قطو(ن) لعوبي !

اسكت .. وانا ماهاب .. وحزامي حزام
و الصمت فيني عن حكيهم .. ينوبي !

ماهمني من قولهم شي مدام
فالراس قدح .. وع المكارم دروبي !

واكبر دليلن لك على مر الايام
يحوم بالناجح مدور عيوبي !

مثل الغدير اللي به الطير حوام
غربان .. فيهم كل .. سيه تشوبي !

قولو علي .. ياعاذل العاشق ينام
ماهمني لو حط دوبه ودوبي !

ماهمني الا .. اللي سبتني من اعوام
اجمل معاصيي .. واحلى ذنوبي !

اللي .. نسمها مثل هبات الانسام
اعيونها وارموشها شيبو بي !

فدوه لها .. جرحي .. وحزني و الالام
فدوه لها ..اللي من سببها حكوبي !

فدوه لها .. قلب(ن) عن الغانيه صام
فدوه لها .. كل المدن والشعوبي !

مانلام لو منها تجننت مانلام
هي سارقة كل النظر .. والقلوبِ !

امشي .. واسوق .. العين قدام قدام
واثر الحديد لبيتها جنبوبي !

ياحي ذاك البيت وحي فيه من نام
يابخت هالجدران مع هالدروبي !

والله لولا العيب .. وعيون الانام !
وعواذلن .. امدورين العيوبي !

لاصير انا وجدارها بضم وضمام
لين يتشقق .. سبة الضم .. ثوبي