الزم حدودك

لـ ، ، في غير مُحدد

انت وش قومك على القلب وحنانه
وشتبي في وجهته ولمن حنينه؟
لا أنت باللي قد ملكته بالليانه
ولا أنت باللي تارك كلٍ ودينه
إصطناع الحب ذا أكبر إهانه
يوم أنا أكذب بالغلا قلبي أهينه
أنت تدري عاد ما للحب خانه
عندي ولا له زمان ولا مدينه
هد وضعك..هد قلبك وإشتحانه
ضد صدمات الغلا عروقي متينه
وشلك وللحب؟..وشلك ولزمانه؟
وشلك وللشعر تلعن والدينه؟
إن بغيته بالغلا قلبي أمانه
إن سكنته لحظةٍ تسمع ونينه
وإن بغيته بالشقا وشلك وشانه
خله لدنياه وادع الله يعينه
والبدو مايعرفون اسم الميانه
كل علمٍ وإله ناس حاكمينه
إلزم حدودك وقلبك في مكانه
لا تعودني على زينه وشينه
إن بغيت العلم وشلك ولحنانه
لا تسل عن وجهته ولمن حنينه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين