فكري العذب - مشاهد العتيبي

على الله توكلنا وبسم لله الرحمن
على اللي تبي يافكري العذب ميلها

ابا امد حبلي وانت حلق بلا جنحان
فضايه فسيح وصيدتك ماتخيلها

تخير مابين الول والدان والمرجان
وجبلي من بيوت الغزل وانظم اجزلها

حسيبي على اللي يسكن القلب والشريان
قضية جفاه وصدته كيف احللها

تركني وانا من غيبته تايهن حيران
وانا من غلاها ماذكر اني مزعلها

تسوق الدموع الزرق من لوعة الحرمان
وجرح(ن)تجدد يالله انك تسهلها

تعدى شهر والجفن من غيبته سهران
ومناديب هم العين للقلب ترسلها

احبه وله في مهجتي منزل وعنوان
صروح(ن)يمربها الزمن مايحولها

وصاله سحاب إن هل منه المطر هتان
ساتين صدري قام يسقي مسايلها

وغيابه جفاف من الدهر يقتل الضميانن
نفوس(ن)من افراق المواليف يقتلها

حظوظ وتوافيق ومايجري على الانسان
مقدر..وقسمه كيف يقدر يبدلها

ياربي تغفر اللي مضى ياعظيم الشانن
تزيل الذنوب اللي على النفس باكملها

© 2024 - موقع الشعر