حطو على راسي من الثلج كيسين
لاولعت لنبة نبير الحراره
وخلو عيوني لين افتح بها زين
واجدد الرخصه مع الاستماره
واخذ مع اهل الشعر لو بس بيتين
ليته يساعدي جهاز الوزاره
مدري متى نسكت ومدري على وين
يوقف لنا كبتن هوانا قطاره
نركض مع الدنيا على زين وبشين
ياذيب مدري جهل والا شطاره
ياذيب لو تركض مسافة ملايين
صيدتك فيها طعم ذنب ومراره
نت وسهر والحق هنادي ودارين
وليا اقبلت ولع براس الزقاره
ابنصح الطيب يصفط على يمين
جعله على نفسه يشدد حصاره
بعض العرب يقول حنا حبيبين
وهو يحاول قفز سور العماره
النيه الشينه نصيب المساكين
اللي مراجلهم بحفر الجحاره
خربت ماصلحت طيب وبعدين
خف من عذاب الله ومن حر ناره
لوتنتبه وتصير ضمن المصلين
وتقطف زهر فعلك وتطفي شراره
نصيحةٍ معها عطور وبساتين
يستاهل التقدير من جاء زياره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.