الوعد

لـ مشاهد العتيبي، ، في غير مُحدد

الوعد - مشاهد العتيبي

الوعد لامالت الشمس الوعد
وضمها من بين كفيه الغروب

اخذ ليلك بأوله واترك بعد
خصرك الناحل تميل ابه الهبوب

وان توست اليمين ام السعد
ذوب ياغلى من عرفته ذوب ذوب

فوقنا البراق واصوات الرعد
والمطر يمسي على الجادل صبوب

الوعد لامالت الشمس الوعد
وضمها من بين كفيه الغروب

اخذ ليلك بأوله واترك بعد
خصرك الناحل تميل ابه الهبوب

وان توست اليمين ام السعد
ذوب ياغلى من عرفته ذوب ذوب

فوقنا البراق واصوات الرعد
والمطر يمسي على الجادل صبوب

وكان من ثغرك تذوقت الشهد
طال ليلي معك يالريم العوب

لاتناظر وقت ساعتك وتعد
يوم جمر الشوق شببنا شبوب

فرصةٍ جتنا ويمكن ماتعِد
وللوصل ياضيق سمحات الدروب

والله اني شامخٍ مايرتعد
غير من فرقاك ياعذب السلوب

لاطري لي فراق ولا بعد
يالله ان استغفرك وإليك اتوب

يوم جينا فالوعد هذا الوعد
ذوب ياغلى من عرفته ذوب ذوب

© 2024 - موقع الشعر