كل الخلايق ف اجتهادات وسباق
... وكلن يعيش الدنيا حسب اجتهاده
اللي .. على الاثام .. طراد سباق !
... يطفي لهيب الشهوه حسب اعتقاده !!
واللي كما روس الغنم بس .. ينساق !!
... لاصوت لا فكرن ولا به اراده !!
واللي .. جمع مابين سارق وبواق !!
... شخص(ن) .. يثير الشر داخل بلاده !!
ياكيف .. جالس في ذراها وتواق !!
... ينفث سموم الغرب .. يبغى حصاده !
يبغى الوطن بيدين .. فاجر وسراق !
... يكره .. هل الدين وخفاهم مراده !!
ويلعب على اوتار العفيفات .. لاراق !!
... بين اختلاط وبين .. حاجة قياده !!
يبغى سعاد ونورا .. دشٌر بالاسواق !!
... وفراس بوي فرند والقيرل غاده !!
مادلج(ن) عقله .. وللدين هو عاق !!
... مرتع وصخ لفكار سوده فؤاده
ذولا علاقتهم مع الدنيا / اعناق !!
... لابيض الله وجه ينضخ فساده
وبين الاصابه وبين توقيت الاطلاق !!
... واقف طويل اللحيه .. ماسك زناده !!
الله يحفظهم .. معا كل اشراق !!
... واليا ظلام الليل بين سواده
ومادام .. اخضرنا على طويق خفاق
... حنا عتاد الدين .. حنا سناده
ويالله يوم الساق تلتف بالساق
... يالله حسن الخاتمه والشهاده !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.