خذها عهد

ياشينه الحب لأصبح من طرف واحد
حسيت في وقتها دنياك ما تسوى
 
وش ذنبه اللي يحبك وانت له جاحد
خابت بك آماله وضاعت بك الهقوى
 
تركت مر الألم والجمر به واقد
ثقلت همومه وصار الحيل مايقوى
 
قوليلي يصحي متى ضميرك الراقد
هي عادته لين ولا عادته قسوى
 
خلك يعاني وغيره بالهوى واجد
احدن تهنى وأحد صابر على بلوى
 
لكن خذها عهد مادامك معاند
قلبي نساكم ولله وحده الشكوى
 
مانيب من يتبع المقفين ويطارد
كرامة النفس راس المال والرجوى