خوي الجرح

ياجرحي اللي يعذبني ولا يبرى
بالله قلي وش اللي بينك وبيني
 
اسج في ليلتي وادور المسرى
لعل مسراي في ليلي يسليني
 
اكتب همومي وصبحي لاظهر يقرى
غابت نجومه ولابه من يواسيني
 
في وسط حلقي تحير وتخنق العبرى
والهم داهمني بحد السكاكيني
 
اعيش يومي حزين وضايق الصدرى
اكتم ولا ابيح سدي للمعاديني
 
حالي كما حال منهو قاضب الجمرى
تكويني النار محد شافها يديني
 
ومرات صوتي بياخذ للحزن نبرى
واضحك لدنياي راجي ضحكة سنيني
 
ياجرح مكتوب اقضي هالعمر صبرى
مكتوب نبقى سوى وانك تخاويني