أم الجديلة

الصدر شوقه لهيبٍ يشتعل مثل الفتيلة
او كما جمرٍ توقد يحرق ضلوع المحاني
 
 
 
 
وجد حالي كلما تطري علي ام الجديلة
لاذكرت البسمه اللي بينت فيها الثماني
 
 
 
له عيون مسلهمات فوقها رموشٍ ظليلة
وله خدود موردة تشبه نبات القحوياني
 
 
 
 
لا مشت ماكنها الا مهرة الخيل الأصيلة
عودها مياس هايف لا تثنى خيزراني
 
 
 
 
من لمحها مايقاوم تعجز اطرافه تشيله
تسلب عقول الأنام وويل حال المودماني
 
 
 
ظالمٍ لوقلت عنها انها فعلا" جميلة
هي ملاك وهي هلاك وفيها تحتار المعاني
 
 
 
جوهرة درة نفيسة كلها فيها قليلة
عن جميع الغيد تفرق من بهاها شي ثاني
 
 
 
بنت قوم الهم مقام وبنت من هاك القبيلة
بنت زيزوم اللوازم بنت ذربين اليماني
 
 
 
الستر قالوا بانه من سمات اهل الفضيلة
ووالله اني من رجالٍ مايحبون الطماني
 
 
 
مانويت اكتب قصيده مير ماباليد حيلة
القلم والدفتر اللي وسط درجي له حداني
 
 
 
الشعر يبري الجروح وطب لقلوبٍ عليله
مرحبابك ياحروفي حي قافي لا لفاني