سفير الحسن

يطيبلي نظم القصايد والأشعار
لا شفت زول اللي حنانه حواني
 
تنصاع لعيونه تصاوير وافكار
وتخضع له بيوت وجزيل المعاني
 
لأنه سفير الحسن في كل الاقطار
شرق وشمال ماخذن له مكاني
 
لوجيت ابوصف حسنها الفكر يحتار
متفردن بالزين سيد الغواني
 
ماتشبه الاغيمة تحمل امطار
تفرح بها البدوان واهل السواني
 
في غيبته شوق كما واهج النار
ما اقدر على فرقاه لوهي ثواني
 
وفي جيته ينزاح همي والأكدار
افرح بشوفه ينشرحله كياني
 
عرض علي فجأة بلاسابق انذار
وادركت بأن الموت يمه دعاني
 
تسللت للقلب من دون لا اختار
وتربعت بين الظلوع المحاني
 
يالله دخيلك من صواديف الأقدار
ويالله عفوك من بلاوي زماني