نشرة الأخبار

لـ محمد عقيل الذيابي، ، بواسطة محمد عقيل الذيابي، في غير مُحدد، آخر تحديث

نشرة الأخبار - محمد عقيل الذيابي

على الشاشه توافينا القناه بنشرة الأخبار
نشاهد كل مايحدث لأمتنا وبالصورة
 
بلد فيه انتهاكات وبلديستعبد الأحرار
بلد فيه الخيانات وبلد مظلم عقب نوره
 
بلد فيه الحراميه هوامير وغدوا تجار
وشعب يموت من جوعه يقال الحال ميسورة
 
شعارات الكذب ترفع لوحدة صفنا والدار
قضيتنا فلسطين ويهود كلاب مسعورة
 
اخونا اللي نبيه العون زاد من الحطب للنار
لجل يرضى نتنياهو وتل آبيب مسروره
 
يسوقونه بأطماعه ويتعدا حدود الجار
يبي يوسع مساحاته ويحلم بأمبراطورة
 
حكومات الخزي والعار شفنا بحالها وش صار
بدت في تونس الخضرا وحسني واصله دوره
 
اشوف معمر الخايب يدور ابه الفلك محتار
زعيم الثرثرة ثاير على الثوار والثورة
 
احس بحزن هالمنظر وبي ضيقه مع الأكدار
وقمت اغير المشهد بزفرة نفس مقهورة
 
واذا بأخبار ديرتنا فهي افراح واستبشار
بعودة خادم البيتين مالوم الناس معذورة
 
بعون الله ياصقر العروبه زالت الأخطار
ياقايدنا بشرع الله والقرآن دستوره
 
ياشين الدار من دونك وشوفك للحياه امطار
ظفرت بحب ابناءك ودوم الدار معمورة
© 2024 - موقع الشعر