يابنت ابوي. لـ فهد السهلي

يابنت ابوي - فهد السهلي

ياللي بديتي ابيات شعرك بعزآه
عزاه شبت وسط جوفي سعاير

اقرأ القصيده واتركه وارجع اقراه
ودموع عيني فوق خدي نثاير

يابنت ابوي الهم مبطي عرفناه
شفت العذاب وشفت منه العزاير

يابنت ابوي الوقت حنا ظلمناه
والوقت لولا الناس ماكان جاير

يابنت ابوي الناس مانطلب رضاه
نطلب رضا اللي عالمآ بالسراير

ويابنت ابوي ابوي ماوالله انساه
ذكراه بركانن على القلب ثاير

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.