جيت من فوح المشاعر ياعسى بالشعر حيل
جيت اترجم بالقصايد كل مافيني يجول
ياهواي اللي تربّع في حشى الجسم النحيل
وش اقول وحبك يلعثم لساني وش اقول؟؟
كانها كلمة محبه تشفي اللي بك عليل
ابشر بعذب الكلام اللي بأسماعك يطول
والله ان غيرك تمنى من قصيدي لو قليل
وانت من شانك على الاشعار ثقّلت الحمول
خاطري اروي ضمايه في لقاك المستحيل
خاطري القى لوصلك ياشقى عمري حلول
اوّل حروفك مودة فَيّها رحبٍ ظليل
واخر حروفك يمامه ساجعه بين السهول
والعمر لو ما أعيشه خلف ماقلبي يميل
الفنى أطيب لقلبٍ ضمن اسراك امعقول
كم تتبّعت الدروب اللي نأت بي ميل ميل
وكم جمعت من الدموع الي سطت بي عقد لول
يالسرور اللي انرسم في ضحكة شفاهي قتيل
بزرعك بارض الامل وارض الامل جدبا محول
ياهواي اللي تربع في حشى الجسم النحيل
وش اقول وحبك يلعثم لساني وش اقول؟؟

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقة و 48 ثانية
الزيارات

1،142
© 2019 - موقع الشعر - بواسطة شركة المبرمجين