خــيـــال

لـ ، ، في غير مُحدد، آخر تحديث :

العفو.. ثم السموحة، من يقول انك خيال؟
انت واقع في حياتي ممتلي بالأخيلة
لو سأل ه الكون عنك طاح من عين السؤال
من تزّين به ربيعه كيف يقدر يجهله!!
يا (احبك) او (احبك).. تقبل بأي احتمال؟
ما تبيني او تبيني.. شوف نبضك واسأله
شفني وشلون آتمرجح بين عقلي والهبال
لاتصوّر لي خيالك أنسكب به واثمله
بعدها ما عاد اميّز للحرام وللحلال
كل ما يخطر ف بالي شرع قلبي حلله
وانا بالي - عزّتيله - به علوم(ن) ما تقال
مابي اكشف محتواها ثم تِسوي (بلبله)
بس من حقي أماري واعتلي روس الطوال
لادروا اني لوحدي في هواك مْدَلله
ياللي كل من شاف زولك قال : لله الكمال
كامل(ن) وصفك حبيبي {جل منهو كمله}!
طلّتك شمس(ن) ضويّه وسط عسرات الليال
ضحكتك غيمة أماني فوق أرض(ن) قاحلة
مشيتك فيها مهابة هزت شْموخ الجبال
نظرتك فيها زعامة معْ غموض واسئلة
لك طباع(ن) وايلية من طباع اهل الشمال
ابدوي(ن) والبداوة في دمِك متغلغلة
وارث سلوم الشهامة من عمام ومن خوال
تنضرب فيك المثايل بالسموْ والمرجلة
ايش ابوصف والمعاني كلها يمك هزال
ما خذيت الزين كله بس ماخذ (أكمله)!
ان رحلت يميل حظي مثل ميلات العقال
وان لفيت الحظ دنّق للخفوق وقبّله
دنيا ما فيها عيونك يا عساها للزوال
هالعمر من دون حبك شي ما اتخيله
واسمحولي يا جماعة لو غدا حبه خيال
غصب عن أنف الحقيقه صدقوني !!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقتين و 52 ثانية
© 2019 - موقع الشعر - بواسطة شركة المبرمجين