حزن القصايد !

يستحق الورد طعنه قاسيه في وسط عينه
لا استحقت هالنوايا الصافية غدر وملامه

تخترق حاجب وتمضي في مساعيها اللعينه
راسمه من خبثها في خبث مسراها علامه

والعلامة لالمسها الما بعد طشّ السفينه
زادت وضوح وغرابه نسأل الله السلامه

والسلامه من تهاوت أقنعه صارت رهينه
عند طيبة قلب ساكن بين ضلعين الكرامه

ياهي صعبه لارماك الوقت في حر الغبينه
حولك العذال تمسك من عنا وقتك زمامه

تنتظر منك تسولف عن قصايدك الحزينه
عن شعورك يوم همك ظللك مثل الغمامه

وانت مابين الجروح وبين حلمك بالسكينه
ضايعٍ مابين تهدا وحق جارحك احترامه

أو تفك لجام عزّك و _العواذل ماسكينه_
وتاقف العبره بحلقك فوق هالوقت وظلامه