قـصـيـده ورد

يا صاحبي اعرفك من قبل شهرين
ياما تقابلنا ب روم(ن) و شاتي

وياما سمعنا عنك , طاريك بالزين
شاعر و لك قيمه وقدر و صفاتي

عبدالله بن أحمد على الراس والعين
و النعم بك مليون والف و مياتي

قالو عنك شاعر ولك باع و سنين
ومروّض الخيل اللقب و السماتي

فيك المرح و الطيب والشعر و الدين
هذي صفاتك بالعمر و الحياتي

هيّا يا بو احمد تقّدم من الحين
واكتب ردودك,واستمع للوصاتي

اخترتك الليله تجاري ب الامرين
امور سهله مثل شُرب المياتي

الامر الاول : وقفتك لي ب صوتين
انت الوحيد الي بقلبك غلاتي !

وثاني الامرين :عندك دواوين ؟
الرد عندك وانا بألزم سكاتي

واختم بيوتي يا رفيقي على وين ؟
طالبك تدعي لي بساعه(وفاتي) !

عبدالعزيز المعاوي
الرد

حي الرفيق اللي قصدني وأهلين
باللي رفع قدري وزينّ حلاتي

الصاحب اللي لو معي اليوم قلبين
أُسكنه فيهم براحه وسباتي

عبدالعزيز ابن المعاوي بكفين
أصافحك ياللي غلاك بخفاتي

ماظن يكفيك الشعر لو دواوين
شعري ومنضومي وبوحي وسكاتي

كل القوافي ماتساوي العزيزين
شرواك ندعي له بكل الصلاتي

اشريك ياللي معدنك حر شاهين
لبيه ياحايز وسام الغلاتي

متكاك في قلبي ومرباعك العين
اقلط تفضل في جميع الجهاتي

وقت الشدايد نبسط اليوم يدين
إيد المخوه وإيد الأطياب ذاتي

عمرك طويل ودعوتي اليوم , بعدين
كل يوم بدعي لك ليوم المماتي

يومي قبل يومك ويومك مع الزين
راحه بليا معمعه , واحسراتي

عبدالله بن أحمد