السالفه .. يانور.. يانور.. يانور - سالم السويلمي

السالفه يانور يانور يانور
السالفه ظلما على راس نورك

طربقتها لاني فلا زلت مخمور
اسكر جفى..وافقد على باب سورك

شابت عيون الشوق والطيف مغمور
والحزن ينحت سيرتي في صخورك

والوصل غميمه. تمطر بسُخريه بور
والكون يتلف دوري ان غاب دورك

يعني بدونك مالي بعالمي دور
في جنتك احيا .واموت بقبورك

ولا جنتك جنه ولا اقبورك اقبور
طلاسمك عبّت ورقك وسطورك

في كل يوم اصحى وانا منك منحور
وياكثر مافيني توفّي نذورك

عالم غريب وكنني فيه مسحور
ويلطّف اجواء الغرابه فتورك

لله درّي اعبر بحور وبحور
ودنياي صارت غارقه في بحورك

يامحتويني وين ماروح . معذور
الزم من وصالك تلازم سرورك

وش عاد لو ابقى انا خارج السور
وش عاد لو كل الخلايق تزورك

دامك سعيد . الله يعافيك مشكور
والله ييسر لك حياتك وامورك

مانته بناصرني ولاني بمنصور
لاصار اداري باقتحامي قصورك

اخشى عليك من العتب يومي اثور
واكبت شعوري لايضايق شعورك

واجلس اشيّد في خيالاتي اقصور
واسوقها في سهلتك واب/ وعورك

بجلس كذا خالي خلاوي لي شهور
ومتملك ٍ اسمك وكلمة مرورك

لي مع (بني شوّاف ) بيرق وديجور
ودايم افطّرهم بحزة فطورك

والزاجله طارت لك ابيات واشطور
والله يقدّرها وترضي غرورك

بنتٍ مخلفها عشانك من ادهور
متناغمه ياغايتي مع عطورك

اتشوف كيف ؟اثور واثور واثور
واسكر جفى واصحى على باب نورك

هذي حصيلة خاطرٍ منك مقهور
واكبر شرف للي كتبته مرورك

© 2024 - موقع الشعر