تغروده

يامُعجبه كذابه... لعّابه
ماتحفظين عهود

عند العطا مرتابه ... نصابه
وبالاخذ دايم زود

منهو يبيع احبابه .. لاصحابه
لاشك مابه فود

بحر الهوى ياما به... حبّابه
تلقين لك مقرود

قلبي انا قد صابه ... واودابه
سهمن تقل بارود

ذاك اللذي مايْجَابه ... إرهابه
ايشيّب المولود

في عينه الخلابه ... واهدابه
صوّب صاروخ اسكود

جيته اصيد اعجابه ... واهنابه
اصبحت انا المصيود

سجنه لزوم ارضابه ... وابقابه
يامصبّر الموعود

سبحان ربن جابه ... خلابه
الزين لامحدود

دايم تكون ثيابه ... تحلابه
والريح ريح ورود

سوالفه جذابه ... وخطابه
مْدعّم ومسنود

لو تتبعين انسابه ... تتشابه
متوارثين الجود

شعر الغزل يزهابه ... ورحابه
ماتحصي المعدود

لا مر به هلاّبه ... واوحابه
شيطانه النمرود

يسواك نقش خضابه ... ونقابه
وحجاجه المعقود

مثلك فلا نشقابه ... وعتابه
مانسمعه / مردود

مودك على خَطَابه .. خَطَابه
يالعنبو ذالمود

شاعرك مل كتابه .. وغيابه
ماغيّبه / موجود

مار الشعر ما اعلابه ... واوطابه
ماهو هو المنشود

لاكثرت الطلابه ... الجابه
وارجيبه المعبود

اكتبه واتغنابه ... واسلابه
ماعد فيه قيود

بالعالم واعجابه ... ماآآبه
لو طالني المنقود

السبع غير انيابه .. ماعابه
جوده من الماجود

الله وهبنا كتابه ... نقرابه
مانفهم التلمود

شاعرك عنده لابه .. واقرابه
تاريخهم مشهود

عيبن نكون ذيابه .. والغابه
فيها تسود ااسود

العز فينا اطنابه ... منسابه
بقلوبنا مغمود

ورثن وحنا اولابه ... وادرابه
قد الشرف وقدود

دار العرب لأعرابه ... لوجابه
صين وعجم وهنود

يحرث مطره اترابه ... واعشابه
مامنّها المحصود

ماراح شي نهابه ... نكفابه
وقلوبنا جلمود

من له يشد اركابه ... يضمابه
يارد وهو المورود