الكون .. مايعنيني

بذمتك .. من جدك !!
بتروح .. وتخليني؟!

وبذمتك تنساني؟!
او قول .. متناسيني

ياهيه .. والله ماقدر
غيابك .. معنيني

الهمّ .. يسكن قلبي
والدمع .. محجر عيني

بالله كيف تخلّي ؟!!
فيني وراك .. اثنيني !!

روح ٍ تموت .. بروحك
والشوق بي .. يطويني

تعال .. حس عروقي
فيها الدّما .. تكويني

شوف اهتزاز ضلوعي
شوف انهيار .. سنيني

شف قلبي اللي .. وقّف
والعذر .. ((ما يمديني))

كنّه عشانك.. ينبض
والاّ.. ولا .. يحييني !!

شوف اختناق انفاسي
ما بينك .. وما بيني

والاّ اشتعال .. اشواقي
بعدك .. ولا تدفيني

شف مايي اللي بعدك
أظما ولا.. يرويني

شف زادي اللي .. عفته
شف نومي مجافيني

تعال شوف .. ايديني
تلطم على .. خديني

شف غيبتك وش سوّت
شف بُعدك اش يهديني

هذا غيابك .. ليلة
شوف اش اثرها فيني

ياكيف .. لومن جدك
بتروح و تخليني؟!

وقّف !! بغيت اقولك
واصرخ .. عسى توحيني

الكون هذا .. كلّه
لو رحت .. مايعنيني !!