التقييم
المشهد اللي يؤسف القلب والعين
شيٍ لقيته في مثان الجزيره
تدرون وشهو كانكم صدق حيين
وانا متأكد قد عرض للبصيره
شيٍ يبكي راعي العز والدين
اللي من المعبود ترج البريره
الطالب اللي يرمي الكتب فالشين
فأنجس مكانٍ فيه ترمى الحقيره
في موقعٍ منه الروايح تقزين
وذبانها دايم علاها مغيرها
بين القمايم وينكم يالرشيدين
ياللي على نهج النبي فالمسيره
الفقه والتوحيد ماتوا شهيدين
وكتاب ربي بينهم دون غيره
نمرها وحنا بلاء عقبل منحين
ونفوسنا باب الغضب ماتثيره
وحنى من الله كلبونا حفيين
مدام مافينا لادين ولانكيره
اللي رضوها مهام اللي عزيزين
مذمومةٍ في كل يمٍ وديره
ولاميزوا ذكر الولي والنبيين
فيها مدون ناصرك يانصيره
نمشي وراء الدنيا جميعا غفيين
ومن خالفت للزين تاتي حسيره
ويالأب والأبناء اللي لكم مين
منهو لكم وقت العسر واليسيره
الله إله واجب علينا ترى دين
لازم نوفي حق من نستجيره
منها كتابه دام منه متوذين
يرد للمدير والاء المديره
ولاتستمع في قول خبلٍ ومسكين
اللي مع الغابر حياته غبيره
منها اخذنا النور وإنلنا يقدين
وللتقدم كل نفسٍ قديره
لايكون ناسين الولي مبصر العين
االلي ليا قرر يوفي قريره
خافه وكمل للميه كان تسعين
إعرف مكان الحر واعرف مطيره
والعلم نور العقل يزين مايشين
واللي بليا علم يعيش عيره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2018 - موقع الشعر