التقييم
إضحك وانا بضحك معك دوم يازين
ياقلهم من يضحكون بزمنا
فل الحجاج ودور الزين لا الشين
خل السعد فالك وانا معك حنا
وإرم الهموم اللي تحمل كما الدين
اللي بها قاس الزمن قد طعنا
وحسب جروحك من قريب وبعيدين
وحدد نهايه رحلتك يالمحنا
ثم إنطلق في رحلتك مع عزيزين
اللي بها الافراح مايزعجنا
اللي ليا غابوا دقايق عن العين
بغيابهم عقلك خطيرٍ يجنا
االلي لهم دايم تقول الرفيعين
وعن باقي العربان ابهم معنا
اللي لهم تدفع حياتك على الدين
وهمه عن غيرك ترى ماسألنا
اللي بهم طبع الوفاء للوفيين
وعيونهم على الحبيب إسهرنا
اللي ليا قالوا لقولٍ صدوقين
ودوم السراحه مابها أي ضنا
اللي لك المبداء وتاجك عن البين
ودامهم حيين ماخفت جنا
ناسٍ معك فرحا ولوهم شقيين
وتفرح ليا شافت محياك غنا
لاجل عيونك ماسألوا وين ومنين
ولأجل عيونك إسألوا إلك وإلنا
خذ راحتك مادام في وسط قوسين
وعليك حراس العيون أوقفنا
غزال يلعب مايخاف الخسيسين
وأهل الرديه عنه دوم يخسنا
معروف قدرك بين كل المسمين
ولحدٍ هواجيسه عليك إدرجنا
الموت دونك ياشعار العفيفين
ومن دونك الارواح مايحسبنا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2018 - موقع الشعر