مجرات الزمن

لـ ، في غير مُحدد،

المنسابة: قصيده بعنوان مجرات الزمن تتحدث عن الزمن وعن صفات الناس فيه

التقييم
إستقري يامجرات الزمن
واستديري عبر مجراي الكبير
وإرضخي للطوع وارضي بالوهن
واعرفي انك تحت حكمي اسير
وامرك الماضي توفى وانطعن
مات وانتي في حكم ورع صغير
لاتحسبي انك اللي قد غبن
وانك القاهر لرجل والغرير
استديري واعرفي كيف الثمن
واعرفي ماجاب ماضيك الخسير
لاتسني فالبدايه بالحسن
وانتي اللي ماعرف ويش المصير
سيرك الماخوذ وردك المحن
هكذا شفتي صحيحه بالنظير
جابك المولى بلاش بلا ثمن
في مراح الذل في منزل حقير
دارت الايام من قبل الظعن
والظعن دايم مواصل للمسير
وإلتحقنا بالليالي مانزلن
ولانزلنا ونزلت واد الجرير
ولاجلسنا والظعن مابركن
دامنا نطرد ورى المجد الكثير
العلا مطلوبنا والنا سكن
وعن دروبه مانتوب ونستخير
نطلبه فالبر وايضا فالمدن
دايم نتبع مسيره لو يطير
هو منازلنا وخصم للعفن
ومربع اللي مارضى شرب المرير
هو كبير القدر في قدر الهجن
هو والناقه رديف والقصير
ضده العلات طاحن وخمدن
وعاله العايل تحت حد شطير
وفي ذراه الناس نامن وامرحن
وكنها في طرق خام من حرير
لن حضر كل الذوايا سكتن
وارفعن عاداتهن وايضا الصفير
العلا رمز الجدود اللي مضن
هو تراث الرجل والخير الوفير
من مسك دربه حموله درجن
واعبرن للبيد ماهن من يحير
له على الرجال فضل باللحن
وغنت الشعار به رمز البرير
ولو اعبر فيه ماجبت الرسن
صعب توصيفه من العالم يصير
لينه عيونه بعمره مانعسن
وماغفن عن شاري الراي البصير
ويامجرات الزمن مابك مزن
بس امرك من نكير في نكير
اعرفي ماطاك انتي بالسجن
ورايك المعروف معروف ضرير
مالك من العيد لاقدر وصحن
والسعاده كلها راحت ثرير
ماتوازين السوالف لن اتن
ولاتحقين الحقيقه لشخص غير
تطعنين الحق معدومه ذهن
وتنكرين امر الوزاره والوزير
فالخلايق منك بالغيظ اشحنن
وكل واحد حافرلك الف بير
اهجدن باللييل كله اهجدن
واعرفن انك تحت حكمه مدير
انتهى وقت التجول بالبدن
ريحي رجلك وفوقك حام طير
ماوراك الاء مواضن حضرن
ومنك يبغن الحقوق من المشير
وما اخذتي من ردود ومن شحن
تاتقاضي دام الك خصم ونظير
ولاتفيد ابك النصايح ياسفن
ولاتسمعتي لمن جاكم نذير
دايم انصح واقول اتعوذن
من بليس اللي يباكم فالسعير
لين وقعتي على حيد الكفن
وسترك الضافي على حالك قصير
هكذا حنا طبايعنا غدن
من يحاربنا نحطه كالحمير
دابه ابها الربايع ياردن
ودربها معروف من شينه عسير
وحالت الامال عنكم واختفن
ومع مرايا الوقت بالمبسم تنير
يوم حلاها الصلاح بما بغن
وابحرن في عزه المجد الجدير
ولو يطول الوقت منتن من رقن
انتن اللي لابليد ولاخبير
عندكن حب الاساءه والفتن
وسيف غدر الناس جايله صرير
ويامجرات الزمن ناسك هدن
ولاحد ناقر ولحد له نقير
والنهايه من قهركن هوجلن
ورددن حنا السبب مافيه غير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2017 - موقع الشعر