احد الفصول

لـ ، في غير مُحدد،

المنسابة: قصيده تحمل عنوان احد الفصول وتتحدث عن فئه معينه من المجتمع ومايدور بينهم من سلبيات وهم فئه ظهروا في الاونه الاخيره

التقييم
اسمع اذناب الخلاء قامت تدربك فالطسول
وجالها حس وضريس وكنها في خمخمه
تتبع الدرب الأليف ولاهي بحول الوصول
موالفه للمنحدر وجنه سواء في عمعمه
من مهفه في مطفه ومن عذولٍ في عذول
والحياه الرايقه ماهي لها مترحمه
إعبدت درب المهونه لاتعيش ولاتزول
والصفات اللي رضتها كاصفات المسلمه
لعن ابوها ماتنام ولاتصوم ولاتقول
عابره دربٍ عسير وصدقها تتوهمه
تحضن الموت الأليم وترمي افراحٍ تجول
ولالها غير الدمار اللي رضت في مبسمه
دنيتٍ فيها البشر راحت قطيعٍٍ في فلول
ولاتساوي بالعمل وزنه بحق محرمه
والبشر عاشت سواء بين الملاهي والخمول
وغيرت وجهة نظرها للهلاك معلمه
ولاحياةٍ للذي يمشي حدورٍ في نزول
من تنكس عمره الباقي يكون مقدمه
عالمٍ غاوي وتايه يوم زادٍ للخبول
والمنيه علمها بالغيب ربي يعلمه
ياموصله الرسايل يامفرقة النزول
اشهد إن الحق منكم للضياع معممه
والحقايق فالخطر قامت تعرض للذهول
والسلامه مكسب اللي الخطاء مايدعمه
والخفايا عندهم قتل الرجل بغدرٍ تصول
فارس الغرات دايم الرجل مايزهمه
والغدر احد صفاته بالظهر دمه ميول
عادة اللي بالضعافه كل حقٍ قسمه
والشجاعه للقروم اللي نحورٍ للقبول
لراعي السيف الشطير اللي مقامه يحسمه
للرجال اللي علاها العلم يطرق للطبول
وتفتل حبال الغبن والحرب مرسى ودسمه
من لها مجدٍ قديم وسار فالدنيا يطول
لين خلاء قدمه العدوان مثل مسممه
الشجاعه عد قومٍ مايجيه الاء الزحول
من مضاربها تخل الشين يترك معنمه
عز قومٍ عن محارمها وضدٍ للطبول
تنصف الرجال في حاضر مواقيف علمه
والمروه للرجل تاج البطوله والفضول
عند ناسٍ ماتقدر كود قرمٍ بحزمه
والرجال اهل الوفاء من تعزز كل جول
.ولاتعدى فوقها القالات باللي تردمه
ولاغريبٍ بالحياه اللي تقوم ابها الذلول
_والثقال إبها خفاف ولاتساوي همهمه
عالمٍ غير صفاته بالصفات اللي تقول
عندنا شرعٍ جديد الظلم دايم ندعمه
اذوت النايم وعاثت بالزهاب وبالحمول
وضيعت بعض الشباب اللي حياته منعمه
والله اكبر ضد من عانق خرابٍ بالدجول
من يحلل بدعة البهتان تمشي محرمه
وكل عامٍ والعرب تنفد عبر احدى الفصول
والعمر عمر مكانه ونةٍ متورمه
والصبر علمٍ عملبه والامور إلنا تدول
والنهايه غايه الشيطان دايم مظلمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2018 - موقع الشعر