ودي بغلا. لـ إنكسارات النخيل

ودي بغلا - إنكسارات النخيل

ودي بغلا ماسطروه بدواوين
غلا أماري به على روس الاشهاد
غلا ماهو باللي من الحين للحين
اللي تهزه هبة رياح الابعاد
أبيه مستوعب دروس المحبين
وأبيه في بحرٍ من الشوق وقاد
ودي بغرامٍ يحضنه محجر العين
يكون لي عونٍ على الضيم وسناد
أبيه صادق ماعطى القلب ثنتين
ماهو بعشاقٍ ورا الزين ينقاد
أبي يمد الوصل مابيننا البين
كلما احتريته جاني من غير ميعاد
أبيه لامنه وعد يوفي الدين
مايبني الكلمه على قول حساد
ودي بغلا ماضمنوه الدواوين
غلا أماري به على روس الاشهاد

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.