رسـمـتـك قـصـيده - عبدالله بن أحمد

عجزت أنا ارسمك / بشفاهي قصيده
والحرف في مدحك ياعمري عصاني

وحيده انتي في عيوني وحيده
ماشفت في دنياي يشبهك ثاني !!

ياسيدي يفداك من كنت سيده
يفداك ياعمري / حياتي وحناني

الصدر ينبض لا طريتك وريده
في وسط فكري كل دقيقه و ثواني

( أخفي الشوق و النظره تزيده
وأداري عبرتي و اكتم حناني )

متى تلامس يديني رعشه ايده
وأدور في قلب محبوبي مكاني

وعجزت أنا ارسمك / بشفاهي قصيده
والحرف في مدحك ياعمري عصاني

© 2023 - موقع الشعر