ليه ياجاهل - بنت الأشراف

جيت اباريكم ب ابياتي الجزيله
وانظم اشعار بها الفخر اعتليت

ما احتري ادم يقول اني قليله
وما احتريه يقول توي ما ابتديت

بس من حوا بدبر الف حيله
وانظم القيفان لامني اهتويت

شامخه ب العز ياحيثي اصيله
من وريد الجد ب امجاده رويت

جدتي الزهراء وذا اكبر دليله
وكانها طيبه ف اخو نوره نخيت

ب انتخيهم واجعل الحجه وسيله
دام جاهلنا يقول اني غويت

ليه ماسمعوا خناس ويا جليله..؟
يبدعون الشعر في كيت وكيت

ليه ياجاهل تقول اني هزيله
من سوا امك ب هالدنيا لقيت..؟

علمتك النطق و الغنوه الجميله
كيف يعجزها نظم مليون بيت..!!

يعني لك عقل(ن) وانا صقها هبيله
ولا انت اللي مع ربي صفيت

انا اعذب منك منطوق وقيله
شئت هذا القول و لا انك ابيت

وان رفضته مانطقت الا فشيله
حيث تتنكر لحضن به ربيت

© 2024 - موقع الشعر